नेपालन्युजका प्रधान सम्पादक प्रशान्त अर्यालले राजीनामा दिएका छन् । गत चैत १३ गते शुक्रबार अर्यालले पदबाट राजीनामा दिएका हुन् ।
“मैले प्रधान सम्पादकको जिम्मेवारी सम्हालेको एक वर्ष पुग्यो । यसबीचमा अनलाइन समाचारकक्ष सञ्चालनको पहल गरियो”, अर्यालले भने, “समाचार उत्पादन, सम्पादकीय नेतृत्त्व र जनशक्तिबीचको सन्तुलन सजिलो भएन । त्यसैले बिदा हुने निर्णय लिएँ ।” अर्यालले अब सम्पादकीय नेतृत्त्वको भारी सम्भवतः नउठाउने बताए ।
अर्यालले यसअघि ग्यालेक्सी टेलिभजन, कान्तिपुर टेलिभिजन, नेपाल साप्ताहिक लगायतका मिडियाको सम्पादकीय नेतृत्त्व गरेका थिए ।
नेपालको सुरुवाती अनलाइन समाचार पोर्टल नेपालन्युजमा स्वामित्व परिवर्तन भएपछि औपचारिक रुपमा २०८२ भदौ ७ देखि पुनः प्रकाशन भएको थियो ।
नेपालको अग्रणी समाचार पोर्टल नेपालन्युज सुरुमा मर्कन्टायल कम्युनिकेसनले सञ्चालन गरेको थियो । पछि यो पोर्टल यती समूह व्यवस्थापनलाई बेचियो। त्यसपछि यती समूहले पनि उक्त पोर्टल बिक्री गरेपछि अहिले प्रमोदराज सेढाईं अध्यक्ष रहेको नेपाल न्युज प्रालिले सञ्चालन गरिरहेको छ।
