रातोपाटी डट कमका सम्पादक रामप्रसाद दाहालले पदबाट राजीनामा दिएका छन् । हालै नेपाल पत्रकार महासंघको केन्द्रीय समिति निर्वाचनमा महासचिव निर्वाचित भएका दाहालले कार्यव्यस्तताका कारण राजीनामा दिएको जानकारी दिए ।
महासंघमा महासचिव निर्वाचित भएलगत्तै व्यवस्थापनलाई समय दिन नभ्याउने जानकारी दिएका दाहालले शुक्रबार सम्पादकको जिम्मेवारीबाट बिदा लिएका हुन् । उनले फेसबुकमार्फत् रातोपाटीको सम्पादकको जिम्मेवारीबाट अलग भएको घोषणा गरेका छन् ।
“व्यवस्थापनलाई पत्रकार महासंघको महासचिवमा निर्वाचित भएलगत्तै समय दिन भ्याउँदिन भनेर जानकारी गराइसकेको थिए", दाहालले भने, "आज मेरो रातोपाटीमा अन्तिम दिन हो ।” दाहाल २०८० माघ ५ गते रातोपाटीको सम्पादक नियुक्त भएका थिए ।
सम्पादक दाहालले राजीनामा आएकै बेला पछिल्लो साता रातोपाटीबाट अरु पत्रकारले पनि राजीनामा दिएको पुष्टि भएको छ । इन्भेस्टिगेटिभ ब्युरो प्रमुख दुर्गा दुलाल, बिजनेश ब्युरोका प्रमुख मस्त केसी र वरिष्ठ सम्वाददता रोमन आचार्यले रातोपाटीबाट राजीनामा दिएका हुन् ।
