नेपाल अमेरिका पत्रकार संघ (नेजा) ले पत्रकार रजेन्द्र केसीको उपचारका लागि आर्थिक सहयोग संकलन अभियान सञ्चालन गरेको छ । अमेरिकाको केन्टकीमा क्यान्सरसँग जुध्दै आएका पत्रकार केसीको उपचारमा सहयोगका लागि गोफण्डमी सुरु गरेको हो ।
नेजाका साधारण सदस्य एवं सदस्यता छानबिन तथा सिफारिस समितिका सदस्यसमेत रहेका केसी गत देखि अमेरिकामा Metastatic Malignant Pancreatic Cancer सँग जुधिरहेका छन् ।
एक महिनादेखि क्यान्सरको उपचार गराइरहेका केसीको हाल केमोथेरापी गर्नुपर्ने भएकाले उपचार खर्चको अभाव हुँदै गएपछि आर्थिक सहयोग संकलन अभियान थालिएको नेजाले जनाएको छ ।
नेजाका अनुसार केसीको उपचारमा श्रीमती साथमै रहनुपर्ने र छोरीको हेरचाह गर्नुपर्ने भएकाले परिवारका कुनै सदस्यले काम गर्न नसक्दा आर्थिक अवस्था कमजोर बनेको छ ।
साथै, मासिक किस्तालगायत अन्य विविध खर्चको अभावका कारण केसी परिवारको मानसिक रुपमा समेत अत्यन्तै चिन्तित अवस्थामा पुगेको छ । हालसम्मको बचत सकिएको हुँदा अहिले केसी परिवारको आर्थिक स्थिति अत्यन्तै कमजोर बन्दै गगएको छ । यही आर्थिक भारले गर्दा केसीले जुन आत्मबलसहित रोगको सामना गर्नुपर्ने हो त्यो झन् कठिन भइरहेको छ ।
नेपालबाट ६ वर्षअघि अमेरिका गएका केसीसँग एक छोरी पनि छन् । प्रतिकूल स्वास्थ्य अवस्थाका कारण आम्दानीको स्रोत बन्द भएको र हालसम्मको बचत पनि उपचारकै क्रममा सकिएपछि उनको सहयोगमा जुटेको नेजाले जनाएको छ ।
"...केसीको प्रतिकूल स्वास्थ्य स्थितिका कारण आम्दानीको स्रोत बन्द भएको छ भने हालसम्मको बचत पनि उपचारकै क्रममा सकिसकेको छ । केसीको उपचारमा उहाँकी जीवनसंगिनी साथमै रहनुपर्ने र छोरीको हेरचाह गर्नुपर्ने भएकाले परिवारका कुनै सदस्यले काम गर्न नसक्दा आर्थिक अवस्था कमजोर बनेको छ," नेजाले भनेको छ, "साथै, मासिक किस्तालगायत अन्य विविध खर्चको अभावका कारण केसी परिवारको मानसिक रुपमा समेत अत्यन्तै चिन्तित अवस्था पुगेको छ ।"
नेजाले सबैलाई सहयोगको अपिल गर्दै गोफण्डमी सुरु गरेको छ । "तपाईं हाम्रो सहयोगले मात्र केसीलाई मानसिक रुपमा बलियो बनाउन सक्नेछौं । तपाईं हाम्रो थोरै सहयोगले गर्दा उहाँको जीवनमा नयाँ आशा र उत्साह दिन सक्छ," सहयोगको अपिल गर्दै नेजाले भनेको छ, "कृपया, केसीको उपचारलाई सफल बनाई उहाँ र उहाँको परिवारमा नयाँ परिवेश ल्याउनका लागि नेजाले सुरू गरेको गोफण्डमी अभियानलाई यहाँहरूले पूर्ण साथ दिनुहुनेछ भन्ने हामीले विश्वास लिएका छौं ।"
केसीलाई गोफण्डमी मार्फत सहयोग गर्न यहाँ क्लिक गर्नुहोस् ।
