कान्तिपुर मिडिया ग्रुपका अध्यक्ष कैलाश सिरोहियाले आधारभूत अनुसन्धानसमेत नगरी आफूलाई हिरासतमा राख्ने योजनामा संलग्नहरूविरुद्ध कानुनी उपचारको बाटो खोज्ने बताएका छन् । सिरोहिया नागरिकता कसूरमा ९ दिन प्रहरी हिरासतमा रही बुधबार हाजिरी जमानीमा रिहा भएका हुन् ।
“मलाई अहिले हाजिरी जमानीमा छाडिएको छ, थप अनुसन्धानमा सहयोग गर्न म सम्पूर्ण रूपमा तयार छु”, रिहा भएलगत्तै प्रेस विज्ञप्ति जारी गर्दै सिरोहियाले भनेका छन्, “तर, प्रहरी प्रशासनले आधारभूत अनुसन्धान पनि नगरी मलाई पक्राउ गरी ९ दिनसम्म हिरासतमा राखिएकामा यो योजनामा संलग्न सबैलाई जवाफदेही बनाउन कानुनी उपचारको बाटो खोज्ने जानकारी गराउन चाहन्छु ।"
आफू गैरनेपाली रहेको, दुई/तीन थरी नागरिकता रहेको र नागरिकतामा हस्ताक्षर र मितिसमेत नरहेको जस्ता ‘हल्ला’ फैलाउनेहरूलाई आफ्नो दाबी प्रमाणित गर्न उनले चुनौती दिएका छन् । “तर, आफ्नो दाबी प्रमाणित गर्न नसक्ने व्यक्ति तथा समूहविरुद्ध कानुनी उपचार खोज्ने अधिकार पनि मसँग सुरक्षित राखेको जानकारी गराउन चाहन्छु”, उनले भनेका छन् ।
उनले आफ्नाविरुद्ध जाहेरीदेखि पक्राउसम्मका घटनाक्रमलाई ‘राज्यशक्तिको चरम दुरुपयोगबीच भएको भयानक षड्यन्त्र’ भनेका छन् । “मलाई जसरी पनि पक्राउ गर्ने, कान्तिपुरको पत्रकारितालाई दुर्बल बनाउने र अरू सञ्चारमाध्यमलाई पनि तर्साउने दुष्प्रयासले यो हरकत भएको थियो भन्नेमा अब कुनै शंका रहेन”, सिरोहियाले भनेका छन् ।
जिल्ला सरकारी वकिलको कार्यालयसमेतको सहमतिमा जिल्ला प्रहरी कार्यालय धनुषाले सिरोहियालाई फौजदारी कार्यविधि संहिताको दफा १५(१) अनुसार थप अनुसन्धानका लागि थुनामा राखिरहन नपर्ने' भन्दै रिहा गरेको हो ।
कैलाश सिरोहिया प्रकरण के हो ? सम्बन्धित सामग्रीहरू पढ्नुहोस् ।
- कान्तिपुर मिडिया ग्रुपका अध्यक्ष कैलाश सिरोहिया रिहा
- कैलाश सिरोहियालाई थप तीन दिन हिरासतमा राख्न अनुमति
- कैलाश सिरोहिया पक्राउबारे बोल्दा त्रुटि भएको भन्दै महजोडीले मागे माफी
- फेसबुक पेजमा नेगेटिभ रिभ्यू बढेपछि मिडियाहरूले लुकाए रेटिङ
- सिरोहिया गिरफ्तारीमा गृहको साथमा रास्वपा, भन्यो- प्रेस स्वतन्त्रता हनन भनेर अपव्याख्या गरियो
- कान्तिपुरका अध्यक्ष सिरोहियालाई तीन दिन हिरासतमा राख्न अनुमति
- प्रधानमन्त्रीलाई सम्पादकहरूको ध्यानाकर्षण- 'रवि लामिछाने मिडियामाथि शत्रुभावका साथ जाइलागे'
- कान्तिपुरका अध्यक्ष सिरोहिया पक्राउपछिका तरङ्ग !
- कैलाश सिरोहियाको नागरिकता विवादका थाहा पाउनैपर्ने १० प्रसङ्ग
- पत्रकार महासंघले भन्यो- सिरोहियालाई पक्राउ गर्नु प्रतिशोधपूर्ण
- कान्तिपुर मिडिया ग्रुपका अध्यक्ष सिरोहिया कार्यालयबाटै पक्राउ
- पक्राउ पूर्जी जारी भएपछि सिरोहियाको दाबीः ‘आफ्नो बेथितिको ढाकछोप गर्न मिडियामाथि प्रतिशोध'
- कान्तिपुर मिडिया ग्रुपका अध्यक्ष सिरोहिया विरुद्ध पक्राउ पुर्जी जारी
