‘हिमाल मिडिया मेला २०२४’ को तेस्रो संस्करण अर्को साता हुने भएको छ । हिमाल मिडिया प्रालिले विश्व प्रेस स्वतन्त्रता दिवसको अवसर पारेर वैशाख २१ गते मेला आयोजना गरेको हो ।
मेलामा माल्दिभ्सका पूर्व राष्ट्रपति मोहमद नासिद जीसीएसकेले मुख्य मन्तव्य राख्नेछन् । पत्रकार, अभियन्ता र राजनीतिक व्यक्तित्व जीसीएसके सन् २००८ देखि २०१२ सम्म माल्दिभ्सको राष्ट्रपति थिए । त्यस्तै, मेलामा भारतको डाउन टु अर्थ म्यागेजिनका सम्पादक रिचर्ड महापात्रको विशेष प्रस्तुति रहनेछ । उनले ‘भारतमा प्रभावकारी पत्रकारिता’ विषयमा बोल्नेछन् ।
यसपटक पत्रकारिता जगतका जल्दाबल्दा विषयमा अन्तरसंवादसँगै मेलामा कार्यशालामा पनि हुने आयोजक समितिका अध्यक्ष कुन्द दीक्षितले बताए । यस वर्ष ‘प्रकृति पत्रकारिता’ लाई केन्द्रमा राखेर अन्तरसंवाद तथा कार्यशाला आयोजना गरिने छ । मेलामा सहभागी हुन फारम भर्नुपर्नेछ। मेलाका लागि ५०० रुपैयाँ प्रवेश शुल्क तोकिएको छ।
हिमाल मिडियाले स्थापनाको २५ वर्ष पूरा भएको अवसरमा २०७९ सालदेखि मेला आयोजना गर्दै आएको छ । गत वर्ष हिमाल मिडिया मेलाको दोस्रो संस्करणमा भारतको द वायरका संस्थापक सम्पादक सिद्धार्थ बरदराजनले मुख्य मन्तव्य राखेका थिए । त्यसअघि २०७९ सालमा आयोजित प्रथम संस्करणमा भारतका चर्चित पत्रकार रवीश कुमारले मुख्य मन्तव्य राखेका थिए ।
