कान्तिपुर पब्लिकेसन्स लिमिटेडले त्यहाँस्थित नेपाल पत्रकार महासंघको प्रतिष्ठान शाखालाई वार्तामा बोलाएको छ ।
पछिल्लोपटक ६८ जना पत्रकारहरूलाई गैरकानुनी ढंगले अवकाशपत्र दिएपछि त्यसको विरोधमा १२ बुँदे माग राखेको महासंघ शाखालाई व्यवस्थापनले वार्तामा बोलाएको हो ।
'कान्तिपुर प्रतिष्ठान शाखा, नेपाल पत्रकार महासंघ' सम्बोधन गरी कान्तिपुरका मानव संशाधन विभाग प्रमुख पुष्पराज गिरीले लेखेको पत्रमा असोज १७ गते बुधबार ४ बजेका लागि छलफलमा बोलाइएको छ ।
'नेपाल पत्रकार महासंघ कान्तिपुर प्रतिष्ठान शाखाबाट मिति २०८० असोज १२ गते यस विभागमा पेश गर्नुभएको मागपत्र प्राप्त भयो । यस सम्बन्धमा छलफल आवश्यक भएकाले मिति २०८०/०६/१७ गते बुधबार अपह्रान्न ४ बजे उपस्थित भइदिनुहुन अनुरोध गर्दछु', पत्रमा भनिएको छ ।
'छलफलको प्रभावकारिताका लागि' भन्दै पत्रमा चार सदस्यीय प्रतिनिधि मण्डलको व्यवस्था गरिदिन अनुरोध गरिएको छ ।
कान्तिपुरमा के भइरहेको छ ? पढ्नुस्
- दशैँको मुखमा ६८ पत्रकारलाई कान्तिपुरको अवकाश पत्र
- कान्तिपुर व्यवस्थापनलाई गल्ती सच्याउने अवसर, यस्ता छन् पत्रकारका १२ माग
- कान्तिपुर प्रकरणमा पत्रकार महासंघको चेतावनी- 'माग बेवास्ता गरे कडा संघर्ष'
- कान्तिपुरबाट फोटो पत्रकारहरू निकालिएको भन्दै पीजे क्लबको विरोध
- कान्तिपुरको समस्या सुनेपछि सञ्चारमन्त्रीले भनिन्- आवश्यक परे क्याबिनेटमा प्रस्ताव लान्छौँ
- कसले गर्यो कान्तिपुरबारे ‘अलर्गल प्रचार’ ? महासंघ शाखाको विज्ञप्तिका सङ्केत र सन्देश
- ‘कान्तिपुर’ मा सल्किएको आगो
- पत्रकार महासंघको ठहर- कान्तिपुर व्यवस्थापनका काम ‘कानुनी व्यवस्थाविरोधी’
