.jpg)
फेसबुकले अब लाइभ भिडिओहरू ३० दिनपछि आफैं डिलिट गर्ने भएको छ । अर्थात्, लाइभ गरेको ३० दिनपछि जुनसुकै भिडियो फेसबुकको सर्भरबाट स्वतः डिलिट हुनेछ । फेब्रवरी १९ मा फेसबुकले ल्याएको नयाँ नीति अनुसार यो नियम लागु गरिएको हो । यसअघि लाइभ भिडिओ अनिश्चितकालसम्म फेसबुकमा सुरक्षित रहन्थ्यो ।
फेसबुकका अनुसार यो नयाँ नीति फेब्रुअरी १९ देखि लागु भएको छ। यसको मतलब अब ३० दिनभन्दा पुराना लाइभ भिडिओहरू फेसबुकबाट हट्नेछन् । तर, फेसबुकले भिडिओ हटाउनुअघि प्रयोगकर्ताहरूलाई नोटिफिकेसन पठाउनेछ । प्रयोगकर्ताहरूले ती भिडिओहरूलाई के गर्ने भन्ने निर्णय गर्न ९० दिनको समय पाउनेछन् । कारणवस ९० दिन भित्र भिडियो डाउनलोड गर्न नसकेमा डिलिट हुने समयलाई ६ महिना सम्म सार्न सकिने फेसबुकले जनाएको छ। समय सार्ने माैका एक पटक मात्र दिइने छ ।
फेसबुकले अब लाइभ भिडियोहरू ३० दिनपछि स्वतः मेटाउनेछ । यसले फेसबुकमा रहेका ऐतिहासिक, राजनीतिक, सामाजिक वा सांस्कृतिक महत्त्वका लाइभ भिडियो रेकर्डिङहरूको विशाल संग्रह स्थायी रूपमा हराउने जोखिम सिर्जना गरेको छ ।
डाउनलोड गर्ने समय कसरी थप्ने ?
मेमोरियलाइज (memorialized) अर्थात् मृत्यु भइसकेका मान्छेहरूको फेसबुक अकाउन्टबाट भएका लाइभ भिडियोलाई भने फेसबुकको नयाँ नीतिले असर गर्दैन । फेसबुकले आफैँ कुनै प्रयोगकर्ताको मृत्यु भएको जानकारी पाएपछि उक्त अकाउन्टलाई मेमोरियलाइज गर्छ । खाता मेमोरियलाइज भएपछि व्यक्तिले राखेका लाइभ भिडियो र अन्य सामग्री फेसबुकमा जस्ताको त्यस्तै रहन्छन् ।
फेसबुकबाट लाइभ भिडियो कसरी डाउनलोड गर्ने ?
फेसबुकले प्रयोगकर्ताको सजिलोका लागि लाइभ भिडियो डाउनलोड गर्ने नयाँ तरिकाहरू ल्याउन लागेको जनाएको छ । हेर्नुस्, एउटा भिडियो डाउनलोड गर्ने तरिकाः
एकसाथ सबै (बल्क) भिडियो डाउनलोड गर्ने तरिका
लाइभ भिडियोलाई क्लाउडमा अपलोड गर्ने तरिका
लाइभलाई रिलमा कन्भर्ट गर्ने तरिका
फेसबुकको सञ्चालक कम्पनी मेटाले लाइभ भिडियो हटाउने नीति किन ल्याएको भन्ने स्पष्ट छैन । टेकक्रन्च, म्यासेबल लगायतका सञ्चारमाध्यमले मेटासँग प्रतिक्रिया लिन खोजे पनि प्रतिक्रिया प्राप्त नभएको उल्लेख गरेका छन् ।
