नेपाल विज्ञापन संघको अध्यक्षमा सोमप्रसाद धिताल निर्वाचित भएका छन् । २०७७ पुस २६ गते आइतबार भएको संघको २१ औँ वार्षिक साधारणसभाले धितालको नेतृत्वमा नयाँ कार्यसमिति गठन गरेको हो ।
आगामी ३ वर्षको कार्यकालका लागि धितालको नेतृत्वमा वरिष्ठ उपाध्यक्षमा नारायणकुमार श्रेष्ठ, प्रथम उपाध्यक्षमा सुदीप थापा, द्वितीय उपाध्यक्षमा पिताम्बर पोख्रेल ‘विजय’, महासचिवमा कृष्णप्रसाद घिमिरे, कोषाध्यक्षमा पंकजलाल प्रधान, सचिवमा सन्तोष खड्का र सह–कोषाध्यक्षमा जीवन पोख्रेल निर्वाचित भए ।
यस्तै, सदस्यमा साजन श्रेष्ठ, विशालपुरुष ढकाल, अरुणकाजी स्थापित, दिनेश पोख्रेल, कृष्णमुरारी लामिछाने, विधान राजभण्डारी निर्वाचित भएका छन् । प्रथम उपाध्यक्ष, कोषाध्यक्ष, सहकोषाध्यक्ष निर्विरोध चयन भएका हुन् ।
