नेपाल सरकारको सूचना तथा प्रसारण विभागले स्नातक तहमा पत्रकारिता अध्ययनरत विद्यार्थीहरूका लागि छात्रवृत्तिको आवेदन आह्वान गरेको छ।
आर्थिक वर्ष २०८१/८२ मा कुल १४ जना विद्यार्थीहरूलाई यो छात्रवृत्ति प्रदान गरिने विभागले जारी गरेको सूचनामा जनाइएको छ ।
छात्रवृत्तिका लागि योग्य विद्यार्थीहरूले सूचना प्रकाशित भएको मितिले ३० दिनभित्र आवेदन दिनुपर्नेछ । आवेदकहरूले नेपाली नागरिकताको प्रमाणपत्र, शैक्षिक योग्यताको प्रमाणपत्र र सम्बन्धित क्याम्पसको सिफारिस पत्र सहितका आवश्यक कागजातहरू पेश गर्नुपर्नेछ ।
छात्रवृत्ति वितरणमा विभिन्न समूहहरूलाई समावेश गरिएको छ जसमा खुला, महिला, दलित, आदिवासी/जनजाति, मधेशी, मुस्लिम, अपाङ्ग र पिछडिएको क्षेत्रका विद्यार्थीहरू समेटिएका छन्।
इच्छुक विद्यार्थीहरूले Google Forms मार्फत अनलाइन आवेदन दिन सक्नेछन् । थप जानकारी विभागको वेबसाइटबाट प्राप्त गर्न सकिन्छ ।
